Qazaqstan Respublikası Abay atındaǵı Qazaq milliy pedagogikalıq universitetinde studentler arasında «Kóp mádeniyatlı dúnyada pedagog» atamasındaǵı III Xalıqaralıq komiksler tańlawı bolıp ótti.

Ulıwma 10 baǵdar boyınsha shólkemlestirilgen tańlawǵa ǴMDA mámleketlerinen kóplegen joqarı oqıw orınları, sonıń ishinde, Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakulteti studentleri de belsene qatnasıp, joqarı nátiyjelerge eristi.

Atap aytqanda, «Jasalma intellekt járdeminde islengen eń jaqsı komiks» baǵdarı boyınsha Dilyafruz Kungratbaeva 1-orın, «Ilhamlandırıwshı gúrriń» baǵdarı boyınsha Gulzar Seytkamalova 1-orın, Nilufar Zayrbekova 3-orın, «Eń jaqsı bilimlendiriw komiksi» baǵdarı boyınsha Shaxzoda Kaliknazarova 1-orın, Balxiya Darebaeva 2-orın, Akmaral Elshibekova 3-orın, «Klasstaǵı qaharman» baǵdarı boyınsha Shaxsanem Nızamatdinova 2-orın, Nursulıw Kuanishova hám Larisa Pirjanova 3-orın, «Jasalma intellekt hám pedagogika» baǵdarı boyınsha Gulnoza Raximova 3-orındı iyeledi, sonday-aq, 20 000 teńge jáne diplom menen sıylıqlandı.

Xalıqaralıq tańlawda joqarı nátiyjelerge erisken studentlerdi instituttıń ilimiy isler hám innovaciyalar boyınsha prorektorı w.w.a. T.Tadjiev, fakultet dekanı M.Allambergenova, ziyrek studentlerdiń ilimiy-izertlew jumısların shólkemlestiriw bólimi baslıǵı Q.Tashanov hám ilimiy basshıları qutlıqlap, aldaǵı oqıwlarında tabıslar tiledi.