Ájiniyaz atındaǵı Nókis mámleketlik pedagogikalıq institutı Ellikqala fakultetinde student-jaslardıń ata-anaları qatnasıwında «Ashıq esikler kúni» ilajı bolıp ótti.

Ilajǵa fakultet dekanı, dekan orınbasarları, professor-oqıtıwshılar, tyutorlar hám student-jaslardıń ata-anaları qatnastı.

Ushırasıw dawamında ata-analarǵa perzentleriniń oqıw procesi, ózlestiriw dárejesi, fakultette jaratılǵan sharayatlar hám ruwxıy-aǵartıwshılıq jumıslar haqqında tolıq maǵlıwmat berildi.

Sonday-aq, ilaj dawamında studentler turaq jayı sharayatları, kontrakt tólemleri, kiyiniw mádeniyatı, sabaqlarǵa qatnasıw máseleleri, pitkeriwshilerdiń bántligi hám studentler ushın ajıratılıp atırǵan jeńilletilgen procentli kreditler haqqında da hár tárepleme túsinikler berildi.