Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti súwretlew óneri hám injenerlik grafikası kafedrası tárepinen Xalıqaralıq súwretlew hám ámeliy óner festivalı shólkemlestirildi.

Súwretlew hám ámeliy óner baǵdarın rawajlandırıw, qábiletli jaslardı qollap-quwatlaw, milliy jáne jáhán mádeniy miyrasın keń úgit-násiyatlaw maqsetinde ótkerilgen festival instituttıń súwretlew óneri hám injenerlik grafikası tálim baǵdarı studentleri tárepinen reńli súwret, grafika, músinshilik, dizayn, milliy ónermentshilik jáne ámeliy ónerdiń basqa baǵdarları boyınsha jaratılǵan dóretiwshilik jumıslardıń kórgizbesi menen baslandı.

Sonday-aq, festival sheńberinde «Dóretiwshilik zawqı» joybarı tiykarında student-jaslardıń respublikamız kórkem óner tarawınıń belgili wákilleri menen ushırasıwı bolıp ótti.

Ushırasıwda Ónermentshilik birlespesi Qaraqalpaqstan Respublikası basqarmasınıń baslıǵı G.Embergenova, kórkemlik keńesiniń baslıǵı M.Allambergenova qatnasıwında sheberlik sabaǵı, ashıq sáwbetlesiw hám seminarlar shólkemlestirilip, qatnasıwshılar óz ara tájiriybe almasıw, jańa ideyalar menen islesiw imkaniyatına iye boldı.