Ájiniyaz atındaǵı Nókis mámleketlik pedagogikalıq institutı Jaslar awqamı baslanǵısh shólkemi tárepinen student-qızlardıń innovaciyalıq hám startap joybarların, isbilermenlik kónlikpelerin qollap-quwatlaw maqsetinde shólkemlestirilgen «NSPI TechGirls» klubınıń dáslepki seminarı bolıp ótti.

Seminar student-qızlardıń ilimiy-innovaciyalıq jumıslarǵa bolǵan qızıǵıwshılıǵın arttırıw, olardıń startap baslamaların qollap-quwatlaw hám zamanagóy biznes ideyaların qáliplestiriwge kómeklesiw maqsetinde ótkerildi.

Ilajda Qaraqalpaqstan Respublikası IT-Parki startap boyınsha bas menedjeri Qundız Jalǵasbaeva hám «NSPI TechGirls» klubınıń bas koordinatorı Alfiya Amangeldieva innovaciyalıq joybarlardı islep shıǵıw, olardı ámeliyatqa engiziw basqıshları, qarjılandırıw dárekleri hám startaplardı tabıslı rawajlandırıw jolları haqqında tolıq maǵlıwmat berdi.

Seminar juwmaǵında instituttıń Jaslar awqamı baslanǵısh shólkemi jetekshisi Erniyaz Qasımov IT-Parktiń startap boyınsha bas menedjeri Qundız Jalǵasbaevaǵa minnetdarshılıq bildirdi.

Ilaj sońında student-qızlardıń innovaciyalıq potencialın júzege shıǵarıw, olardı qollap-quwatlaw hám perspektivalı joybarları turmısqa engiziw boyınsha aldaǵı wazıypalar belgilep alındı.

NMPI baspasóz xızmeti.