Ájiniyaz atındaǵı Nókis mámleketlik pedagogikalıq institutı rektorı w.w.a. Quvondiq Qodirov Tábiyiy pánler fakultetiniń keshki tálim baǵdarlarında oqıp atırǵan studentler menen ushırasıw ótkerdi.

Ushırasıwǵa fakultet dekanatı wákilleri, hayal-qızlar másláhát keńesi juwapkerleri, profilaktikalıq inspektorlar, psixologlar, tyutorlar qatnastı.

Ilaj dawamında tálim-tárbiya procesiniń áhmiyetli máseleleri dodalandı. Atap aytqanda, oqıw procesin nátiyjeli shólkemlestiriw, studentler arasında jınayatshılıq hám huqıqbuzarlıqlardıń aldın alıw, olarǵa zárúrli sharayatlardı jaratıp beriw sıyaqlı máseleler boyınsha pikir almasıldı.

Bunday ushırasıwlar institutta salamat ortalıqtı qáliplestiriw, studentlerdiń pikir-usınısları hám baslamaların qollap-quwatlaw, olardıń jámiyetlik belsendiligin arttırıwda ayrıqsha áhmiyetke iye boladı.

NMPI baspasóz xızmeti.