Ájiniyaz atındaǵı Nókis mámleketlik pedagogikalıq institutında student-jaslardıń intellektual potencialın rawajlandırıw, erkin pikirlew hám logikalıq analizlew kónlikpelerin bekkemlew maqsetinde shólkemlestirilgen «Debat» intellektual oyınınıń Qaraqalpaqstan Respublikası basqıshı bolıp ótti.

Oyın dawamında qatnasıwshı komandalar belgilengen temalar boyınsha «Tastıyıqlawshı» hám «Biykarlawshı» poziciyalarda ózleriniń ziyrekligi, jedel hám logikalıq pikirlew sheberliklerin kórsetiwge háreket etti.

Intellektual oyınnıń ekinshi topar basqıshında Ájiniyaz atındaǵı Nókis mámleketlik pedagogikalıq institutı komandası 1-orındı iyelep, jeńimpaz boldı hám Namangan qalasında bolıp ótetuǵın respublikalı final basqıshına jollama aldı.

2-orındı Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı, 3-orındı bolsa Nókis mámleketlik texnika universiteti komandaları iyeledi.

Jeńimpaz hám sıylı orınlardı iyelegen komandalar Ózbekstan jaslar awqamı Qaraqalpaqstan Respublikası Keńesi tárepinen diplom hám sawǵalar menen sıylıqlandı.

NMPI baspasóz xızmeti.