Búgin, 2-may kúni paytaxtımız Nókis qalasında 9-may – Eslew hám qádirlew kúnin joqarı dárejede ótkeriw, sonday-aq, qorshaǵan ortalıqtı abadanlastırıw jáne kógallandırıw maqsetinde barlıq kósheler, mákan puqaralar jıyınlarında ulıwma xalıqlıq shembilik ótkerilmekte.

Shembilikte Ájiniyaz atındaǵı Nókis mámleketlik pedagogikalıq institutınıń barlıq fakultetleri – Ellikqala, Anıq pánler, Tábiyiy pánler, Tariyx, Mektepke shekemgi hám baslawısh tálim, Pedagogika-psixologiya hám dóretiwshilik tálim, Filologiya fakultetleriniń jámááti, sonday-aq, belsendi student-jasları fakultet imaratları átirapında abadanlastırıw jumısların alıp bardı.