Ájiniyaz atındaǵı Nókis mámleketlik pedagogikalıq institutı Filologiya fakulteti inglis tili hám ádebiyatı kafedrasınıń baslıǵı Dina Mamırbaeva AQSh elshixanası tárepinen járiyalanǵan grant tańlawında jeńimpaz boldı.

Bul granttıń tiykarǵı maqseti – inglis tilin oqıtıw hám úyreniw processlerin nátiyjeli jetilistiriw jáne keńeytiwge kómeklesiwden ibarat bolıp tabıladı. Joybardıń áhmiyetli baǵdarlarınıń biri sıpatında kózi ázzi hám kóriwde qıyınshılıqqa iye bolǵan studentler ushın Brayl resurslarınan paydalanıw arqalı inklyuziv bilimlendiriw imkaniyatların keńeytiw belgilengen.

Grant tiykarında alıp kelingen 26 atamadaǵı 3 300 AQSh dolları muǵdarındaǵı arnawlı ádebiyatlar instituttıń málimleme-resurs orayına tapsırıldı.