Ájiniyaz atındaǵı Nókis mámleketlik pedagogikalıq institutında student-jaslar arasında ekologiya hám awıl xojalıǵı baǵdarında «GreenTechX» innovaciyalıq startap joybarlar tańlawı joqarı dárejede ótkerildi.

Tańlawǵa ulıwma 22 arza kelip túsip, onda qatnasıwshılar ekologiyalıq texnologiyalar, turaqlı awıl xojalıǵı, suw resursların únemlew, sonday-aq, agro hám ekologiyalıq sanlı sheshimler baǵdarlarında ózleriniń innovaciyalıq ideyaları jáne joybarların usındı.

Qatnasıwshılardıń joybarları Qaraqalpaqstan Respublikası IT-parki startap ekosistemasın rawajlandırıw boyınsha bas menedjeri Rasul Qosnazarov tárepinen bahalandı.

Jaslardıń innovaciyalıq pikirlewin qollap-quwatlaw, ekologiyalıq mashqalalarǵa zamanagóy sheshimler tabıw hám startap mádeniyatın rawajlandırıw maqsetinde shólkemlestirilgen tańlaw juwmaǵında:

1-orın – Anıq pánler fakulteti studenti Suhrob Tuxtaboev;

2-orın – Tábiyiy pánler fakulteti studenti Árman Seytnazarov;

3-orın – Mektepke shekemgi hám baslawısh tálim fakulteti studenti Gúlzar Seytkamalovaǵa nesip etti.

Jeńimpaz hám sıylı orın iyelerine institut rektoratı tárepinen óz startap joybarların ámelge asırıw ushın mini grantlar ajıratılıwı belgilengen.

NMPI baspasóz xızmeti.