Qaraqalpaqstan Respublikasındaǵı ámelge asırılıp atırǵan keń kólemli reformalardıń mazmunı hám áhmiyetin úgit-násiyatlaw, jaslar arasında óz ara doslıq, awızbirshilik qatnasıqların bekkemlew maqsetinde Tashkent qalası hám wálayatlardaǵı joqarı oqıw orınlarınıń student-jasları respublikamızdaǵı joqarı oqıw orınlarına biriktirildi.

Usı maqsette Ájiniyaz atındaǵı Nókis mámleketlik pedagogikalıq institutında 12-14-may kúnleri aralıǵında 500 ge shamalas miyman student-jaslar qatnasıwında «Doslıq festivalı» shólkemlestirilip, óz ara sáwbetlesiwler, mádeniy-aǵartıwshılıq ilajları ótkeriliwi belgilengen.

Házirgi waqıtta festival qatnasıwshıları institutqa jetip kelmekte. Institut rektorı w.w.a. Quvondiq Qodirov Namangan mámleketlik pedagogikalıq institutınan kelgen jaslar menen ushırasıp, institut tariyxı, bul jerde jaslar ushın jaratılǵan sharayatlar, festival sheńberinde ótkeriletuǵın ilajlar haqqında maǵlıwmatlar berdi.

Festivaldıń ashılıw máresimi 12-may kúni saat 15:00 de ótkeriliwi jobalastırılǵan.

NMPI baspasóz xızmeti.