Ájiniyaz atındaǵı Nókis mámleketlik pedagogikalıq institutında Tashkent qalası hám wálayatlardaǵı joqarı oqıw orınlarınan kelgen student-jaslar qatnasıwında ótkerilip atırǵan «Doslıq festivalı» sheńberinde «Debat» intellektual oyını boyınsha joldaslıq jarısı shólkemlestirildi.

Oyın dawamında studentler búgingi kúnniń áhmiyetli temaları dógereginde «Tastıyıqlawshı» hám «Biykarlawshı» poziciyalarda ózleriniń bilimi, ziyrekligi hám oratorlıq sheberligin kórsetiwge háreket etti.

Oyın juwmaǵında jeńimpazlar hám sıylı orın iyeleri anıqlanıp, diplom menen sıylıqlandı.

NMPI baspasóz xızmeti.