Ájiniyaz atındaǵı Nókis mámleketlik pedagogikalıq institutında Tashkent qalası hám wálayatlardaǵı joqarı oqıw orınlarınan kelgen student-jaslardıń qatnasıwında ótkerilip atırǵan «Doslıq festivalı» sheńberinde azanǵı dene shınıqtırıw ilajı shólkemlestirildi.

Ilajda festival qatnasıwshıları, institut rektoratı wákilleri, professor-oqıtıwshılar hám tyutorlar belsene qatnasıp, sport shınıǵıwları arqalı kúndi kóterińki ruwxta basladı. Dene tárbiyası shınıǵıwları jaslar arasında salamat turmıs tárizin úgit-násiyatlaw, fizikalıq belsendilikti arttırıw hám doslıq ortalıǵın jáne de bekkemlewge xızmet etti.

Sonday-aq, ilaj dawamında student-jaslar óz ara pikirlesip, túrli aymaqlardan kelgen zamanlasları menen jaqınnan tanısıw imkaniyatına iye boldı. Quwnaq hám qızǵın ruwxta ótken azanǵı shınıǵıwlar festival qatnasıwshılarında umıtılmas tásir qaldırdı.

NMPI baspasóz xızmeti.