Ájiniyaz atındaǵı Nókis mámleketlik pedagogikalıq institutı Ellikqala fakultetinde student-jaslardıń kórkem ónerge bolǵan qızıǵıwshılıǵın arttırıw, olardıń dóretiwshilik pikirlewin rawajlandırıw hám ámeliy kónlikpelerin bekkemlew maqsetinde ushırasıw shólkemlestirildi.

Ushırasıwǵa Qaraqalpaqstan Respublikasına miyneti sińgen mádeniyat xızmetkeri, instituttıń Pedagogika-psixologiya hám dóretiwshilik tálim fakulteti súwretlew óneri hám injenerlik grafikası kafedrası professorı w. a. J.Dármenov, Nókis qánigelestirilgen kórkem óner mektebiniń oqıtıwshısı, Ellikqala fakultetinde ornatılǵan Ózbekstan xalıq shayırı Muhammed Yusuf byustiniń avtorı M.Davlatmuratov hám usı mekteptiń oqıtıwshısı A.Qudaybergenovlar qatnastı.

Ilaj dawamında tájiriybeli kórkem óner sheberleri tárepinen sheberlik sabaqları ótkerilip, studentler súwretlew óneri hám músinshilik baǵdarları boyınsha paydalı bilim hám tájiriybege iye boldı.