Búgin, 20-may kúni Ózbekstandaǵı Britaniya Keńesiniń birge islesiw boyınsha menedjeri Amirsaid Sadikov hám operaciyalar boyınsha menedjeri Irina Teplyakova Ájiniyaz atındaǵı Nókis mámleketlik pedagogikalıq institutına keldi.

Miymanlar institut rektorı w.a. Quvondiq Qodirov penen ushırasıp, onda bilimlendiriw tarawındaǵı birge islesiw perspektivaları, inglis tilin oqıtıw sapasın arttırıw, professor-oqıtıwshılar hám studentler ushın xalıqaralıq baǵdarlamalar, sonday-aq, qánigeligin jetilistiriw joybarların ámelge asırıw máseleleri dodalandı.

Ushırasıw dawamında institut bazasında Ózbekstandaǵı Britaniya Keńesi menen birgelikte inglis tili boyınsha xalıqaralıq sertifikatqa imtixan tapsırıw orayın shólkemlestiriw boyınsha usınıslar bildirildi.

Usı hám basqa da birge islesiw tarawları boyınsha aldaǵı wazıypalar belgilep alındı.

NMPI baspasóz xızmeti.