Usı jıldıń 21-23-may kúnleri Namangan mámleketlik texnika universitetinde Joqarı bilimlendiriw, ilim hám innovaciyalar ministrligi, ministrlik janındaǵı Student hám oqıwshılardıń sociallıq belsendiligin arttırıw orayı, Jaslar isleri agentligi hám Ózbekstan jaslar awqamı Oraylıq Keńesi menen birgelikte ótkerilip atırǵan «Debat» respublikalıq turniriniń 2026-jıldaǵı final basqıshı bolıp ótti.

Final basqıshına aymaqlıq basqıshlarda jeńimpaz bolǵan 18 komanda qatarında Ájiniyaz atındaǵı Nókis mámleketlik pedagogikalıq institutınıń «Sahra búlbilleri» komandası da qatnastı.

Institutımız komandası aǵzaları belgilengen tematikalar boyınsha «Tastıyıqlawshı» hám «Biykarlawshı» poziciyalarda ózleriniń logikalıq oylaw dárejesi, bilimi, ziyrekligi hám oratorlıq sheberligin kórsetiwge háreket etti.

NMPI baspasóz xızmeti.