Ájiniyaz atındaǵı Nókis mámleketlik pedagogikalıq institutında juwmaqlawshı mámleketlik imtixanlar, pitkeriw qánigelik jumısları hám magistrlik dissertaciyalarınıń qorǵaw processlerinde ashıq-aydınlıq hám ádillik principlerin támiyinlew, korrupciyalıq jaǵdaylardıń aldın alıw máselelerine baǵıshlanǵan ushırasıw shólkemlestirildi.

Onda oqıw isleri boyınsha prorektor M.Ibragimov, korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı Sh.Shamuratov, tiyisli bólim hám fakultetlerdiń juwapkerleri, pitkeriw processlerine biriktirilgen juwapkerler qatnastı. Ushırasıw dawamında juwmaqlawshı attestaciya processlerin ámeldegi normativlik-huqıqıy hújjetler tiykarında shólkemlestiriw, bahalaw normalarına qatań ámel etiw, insan faktorın azaytıw hám hár qanday mápler soqlıǵısıwına jol qoymaw máseleleri dodalandı.

Sonday-aq, korrupciyaǵa qarsı gúresiw boyınsha mámleketlik siyasattıń tiykarǵı baǵdarları, bilimlendiriw sistemasında hadallıq hám qalıslıq ortalıǵın qáliplestiriwdiń áhmieti ayrıqsha atap ótildi. Juwapkerlerge juwmaqlawshı mámleketlik imtixanlar, pitkeriw qánigelik jumısları hám magistrlik dissertaciyalarınıń qorǵawların joqarı dárejede, ashıq-aydın hám ádil shólkemlestiriw boyınsha tiyisli usınıs hám kórsetpeler berildi.

Ilaj juwmaǵında qatnasıwshılar tárepinen bilimlendiriw processlerinde korrupciyaǵa pútkilley mawasasız qatnasta bolıw, pitkeriwshilerdiń bilimin qalıs bahalaw hám akademiyalıq hadallıq principlerine qatań ámel etiw boyınsha wazıypalar belgilep alındı.