Búgin, 3-iyun kúni Nókis qalasınan «Jańa Ózbekstan studentleri olimpiadası» sport jarıslarınıń aymaqlıq basqıshında jeńimpaz bolǵan Berdaq atındaǵı Qaraqalpaq mámleketlik universiteti hám Ájiniyaz atındaǵı Nókis mámleketlik pedagogikalıq institutı student-jasları jarıstıń respublikalıq basqıshına qatnasıw ushın jolǵa atlandı.

Nókis temir jol vokzalında joqarı oqıw orınları basshıları hám juwapker wákilleri sportshı jaslarǵa juwmaqlawshı basqıshta joqarı nátiyjelerge erisiwin tiledi.

Maǵlıwmat ornında, Ájiniyaz atındaǵı Nókis mámleketlik pedagogikalıq institutı studentleri usı sport jarıslarınıń respublikalıq basqıshında voleybol, jeńil atletika hám stol tennisi túrleri boyınsha qatnasadı.

NMPI baspasóz xızmeti.