Aldın xabar bergenimizdey, Tashkent qalasındaǵı Olimpiya qalashasında joqarı oqıw orınlarınıń studentleri arasında birinshi márte «Jańa Ózbekstan studentleri olimpiadası» sport jarıslarınıń respublikalıq final basqıshı bolıp ótpekte.

Jeńil atletika boyınsha ótkerilgen jarıs Ájiniyaz atındaǵı Nókis mámleketlik pedagogikalıq institutınıń sportshı studentleri ushın tabıslı boldı.

Atap aytqanda, 400 metrge juwırıw jarısında institutımız studenti Aysha Jumambetova sıylı 2-orındı iyelep, gúmis medalı menen sıylıqlandı.

Marafon boyınsha institutımızdıń maqtanıshı Ejemaya Bazarbaeva dáslep 1500 metr aralıqqa juwırıw boyınsha 3-orındı, sońınan 3000 metrge juwırıw boyınsha da 3-orındı iyelep, eki qola medalın qolǵa kirgizdi.

Esletip ótemiz, jarıslar 11-iyunǵa shekem dawam etedi. Institutımız studentlerine kelesi jarıslarda áwmet tileymiz!

NMPI baspasóz xızmeti.