Búgin, 13-iyun kúni Ájiniyaz atındaǵı Nókis mámleketlik pedagogikalıq institutı akademiyalıq liceyinde 2025-2026-oqıw jılı pitkeriwshi oqıwshılarına diplom tapsırıwǵa arnalǵan «Xosh bol, licey – sálem, joqarı oqıw ornı!» atamasındaǵı bayram keshesi bolıp ótti.

Keshege instituttıń bilimlendiriw sapasın qadaǵalaw bólimi bas qánigesi, belgili ustaz J.Jumamuratov, akademiyalıq licey jámááti, pitkeriwshi oqıwshı-jaslardıń ata-anaları qatnastı.

Ilajda akademiyalıq licey direktorı Q.Qalxorazov, pidayı ustazlar hám belsendi oqıwshılardıń ata-anaları sózge shıǵıp, pitkeriwshilerge aldaǵı oqıwlarında joqarı nátiyjelerge erisiwin tiledi.

Atap ótiw orınlı, akademiyalıq liceydi bıyılǵı oqıw jılında ulıwma 246 oqıw pitkerip atırǵan bolıp, olar ulıwma 638 milliy hám xalıqaralıq sertifikatlarǵa iye boldı. Bul oqıwshılardıń 20 sı ayrıqsha diplom menen pitkermekte. Eń áhmiyetlisi, olar arasınan 5 oqıw sırt eldiń aldınǵı joqarı oqıw orınlarına grant tiykarında oqıwǵa qabıl etilgen bolsa, 14 oqıwshı waqtınan burın student bolıw baxtına eristi.

Bayram keshesi kórkem óner sheberleri hám akademiyalıq liceydiń qábiletli oqıwshıları atqarıwındaǵı koncert baǵdarlaması menen dawam etti.

NMPI baspasóz xızmeti.