Búgin, 19-iyun kúni Ájiniyaz atındaǵı Nókis mámleketlik pedagogikalıq institutı Keńesiniń gezektegi májilisi bolıp ótti.

Májilisti institut rektorı w.a. Quvondiq Qodirov basqarıp bardı.

Dáslep Ózbekstan Respublikası Ilimler akademiyası janındaǵı Joqarı attestaciyalıq komissiyası tárepinen professor, docent ilimiy ataqları, sonday-aq, ilimiy dárejeler berilgen oqıtıwshılarǵa diplom jáne attestatları tapsırıldı.

Bunnan soń májilis kún tártibindegi tańlaw jumısları, 2025-2026-oqıw jılı institut jumıslarınıń ulıwmalıq kórsetkishleri, student-qızlar arasında tálim-tárbiya jumısların jetilistiriw ilajları, muwapıqlastırıwshı keńeske oqıw ádebiyatların usınıw hám baspadan shıǵarıw, ilimiy ataqlarǵa talaban professor-oqıtıwshılardıń hújjetlerin JAKqa usınıw, sonday-aq, aǵımdaǵı máselelerdi dodalaw menen dawam etti.

Májiliste kórip shıǵılǵan máseleler boyınsha tiyisli qararlar qabıl etildi.

NMPI baspasóz xızmeti.