Búgin, 20-iyun kúni paytaxtımız Nókis qalası «Doslıq» kanalı boyında miynet hám isbilermenlik yarmarkası bolıp ótti.

Jumıssız puqaralar, sociallıq qorǵawǵa mútáj shańaraqlardıń wákilleri, ásirese, hayal-qızlar hám jaslardıń bántligine kómeklesiw, olardıń úy sharayatında óz islermenligin jolǵa qoyıwǵa tiykar jaratıw maqsetinde shólkemlestirilgen bul ilajǵa mákeme, kárxana hám shólkemlerdiń juwapkerleri, keń jámiyetshilik wákilleri qatnastı.

Ótkerilgen miynet hám isbilermenlik yarmarkasına Ájiniyaz atındaǵı Nókis mámleketlik pedagogikalıq institutı jámááti, studentleri, sonıń ishinde, pitkeriwshi jasları da belsene qatnasıp, bos jumıs orınları haqqında maǵlıwmatlarǵa iye bolıw menen birge óz isbilermenlik jumısların jolǵa qoyıw boyınsha áhmiyetli maǵlıwmatlarǵa iye boldı.

Yarmarka «Bos jumıs orınları pavilyonı», «Jeńilletilgen kreditler hám bank xızmetleri pavilyonı», sonday-aq, «Texnikumlar hám joqarı oqıw orınları pavilyonı» tiykarında óz jumısın dawam etti.

NMPI baspasóz xızmeti.