Ájiniyaz atındaǵı Nókis mámleketlik pedagogikalıq institutınıń bir topar student-jasları «Áhmiyetli 90 kún» sheńberinde Tashkent qalasındaǵı Jazıwshılar qıyabanına bardı. Bul sayaxat jaslardıń ruwxıy dúnyaqarasın keńeytiw, olarda milliy ádebiyatımız hám mádeniyatımızǵa bolǵan húrmet jáne qızıǵıwshılıqtı bunnan bılay da arttırıwǵa xızmet etti.

Sayaxat dawamında studentler ózbek hám qaraqalpaq ádebiyatı, mádeniyatınıń rawajlanıwına úlken úles qosqan belgili jazıwshılardıń estelikleri hám estelik kompleksleri menen jaqınnan tanıstı. Ullı dóretiwshilerdiń ómiri, dóretiwshilik miyrası hám ruwxıy-aǵartıwshılıq kózqarasları haqqında tolıq maǵlıwmatlarǵa iye boldı.

Jazıwshılar qıyabanı jaslardı kitapqumarlıqqa, Watanǵa muhabbat hám milliy qádiriyatlarǵa sadıqlıq ruwxında tárbiyalawǵa xızmet etip atırǵan áhmiyetli ruwxıylıq orayı bolıp esaplanadı.

NMPI baspasóz xızmeti.