Ájiniyaz atındaǵı Nókis mámleketlik pedagogikalıq institutı rektorı w.a. Quvondiq Qodirov kásiplik (dóretiwshilik) imtixanlar ótkerilip atırǵan orınlarda bolıp, imtixanlardıń shólkemlestiriliwi hám belgilengen tártip tiykarında alıp barılıp atırǵan processlerdi kózden ótkerdi.

Ilaj dawamında imtixanlardı ashıq-aydınlıq hám qalıslıq principleri tiykarında shólkemlestiriw, abiturientler ushın qolaylı sharayatlar jaratıw jáne belgilengen normalarǵa qatań ámel etiw máselelerine ayrıqsha itibar qaratıldı.

Imtixan procesine juwapker xızmetkerler menen sáwbetlesip, barlıq basqıshlarda ámeldegi tártip-qaǵıydalarǵa tolıq ámel etiliwi, bahalaw normalarınıń ádil qollanılıwı hám shólkemlestiriw máseleleriniń sapalı jolǵa qoyılıwı boyınsha tiyisli kórsetpeler berdi.

Sonday-aq, imtixanlardı baqlaw ushın kelgen ata-analar menen de sáwbet ótkerildi. Sáwbetlesiw dawamında olardıń pikir-usınısları tıńlanıp, kásiplik (dóretiwshilik) imtixanlardı ashıq-aydın túrde shólkemlestiriw baǵdarında ámelge asırılıp atırǵan jumıslar haqqında maǵlıwmat berildi.

NMPI baspasóz xızmeti.