Qaraqalpaqstanda 2026-2027-oqıw jılı ushın mámleketlik joqarı oqıw orınlarına kiriw test sınaqları usı jıldıń 14-23-iyul kúnleri aralıǵında bolıp ótedi. Bul haqqında institut baspasóz xızmetine Bilim hám mamanlıqlardı bahalaw agentligi Qaraqalpaqstan Respublikası bólimi xabar berdi.

Málim etiliwinshe, bıyıl respublikamız boylap 31 mıńǵa shamalas abiturientler kiriw test sınaqlarında qatnasıwı kútilmekte.

Test sınaqları Nókis qalasındaǵı 2 orında, 3 imaratta bolıp ótedi:

1) Bilim hám mamanlıqlardı bahalaw agentligi Qaraqalpaqstan Respublikası bólimi imaratı:
1-imarat – 1-20-toparlar;
2-imarat – 21-40-toparlar.
Mánzil: Nókis qalası «Jańabazar» MPJ, Nókis-Tórtkúl avtomagistralı shossesi 53/2-jay.
Geolokaciya: https://yandex.uz/maps/-/CHsVFM4F

2) Qaraqalpaq mámleketlik universiteti sport sarayı:
3-imarat – 41-53-toparlar.
Mánzil: Nókis qalası Almazar kóshesi 1-jay.
Geolokaciya: https://yandex.uz/maps/-/CHsVBB1e

Test sınaqları kúnine 2 smenada shólkemlestiriledi. 1-smena saat 08:00 de, 2-smena saat 15:00 de baslanadı.

Abiturientlerden test sınaqları baslanıwınan keminde bir yarım saat aldın belgilengen aymaqqa pasport yamasa ID-kartasınıń túp nusqası hám abiturient ruxsatnaması menen jetip keliwi talap etiledi.

NMPI baspasóz xızmeti.