Málim etilgenindey, respublikamızdıń barlıq aymaqlarında 2026-2027-oqıw jılı ushın mámleketlik joqarı hám kásiplik bilimlendiriw shólkemlerine kiriw test sınaqları dawam etpekte.

Test sınaqları hár kúni eki smenada:

1-smena – 08:00 den 11:00 ge shekem;

2-smena – 15:00 den 18:00 ge shekem bolıp ótedi.

Onda abiturientler test sınaǵı ótkeriletuǵın aymaqqa test sınaǵı baslanıwınan keminde 1 yarım saat aldın pasport (ID-karta) hám abiturient ruxsatnaması menen keliwi, sonday-aq:

1-smenada 07:30 ǵa shekem;

2-smenada 14:30 ǵa shekem tekseriwlerden ótken halda óz ornına jaylasıwı kerek.

Pasport nusqası yamasa basqa da hújjetler menen kelgen, sonday-aq, keshigip kelgen abiturientler test sınaǵına kirgizilmeydi!

Sol sebepli test sınaqlarına belgilengen waqıttan keshikpey pasporttıń (ID-karta) túp nusqası hám abiturient ruxsatnaması menen keliwdi umıtpań!

Test sınaqları processleri tolıq videobaqlaw astında hám onlayn translyaciya arqalı ótkeriledi. Onlayn translyaciya test2026.uz saytı arqalı ámelge asırıladı.

Bársheńizge áwmet tileymiz!

NMPI baspasóz xızmeti.