Usı jıldıń 28-iyul kúni paytaxtımız Nókis qalasındaǵı «Aqquw» kompleksinde «Keleshekke qádem» baǵdarlaması sheńberinde keń kólemli «TalabaExpo – 2026» kásiplik kórgizbesi bolıp ótedi.

Kórgizbeniń maqseti – pitkeriwshilerdiń bántligin támiyinlew, olardıń kásiplik baǵdarların anıqlaw hám biznes baslamaların qollap-quwatlawdan ibarat.

Ilaj sheńberinde jaslar ushın:

➖Bos jumıs orınları yarmarkası hám real jumıs beriwshiler menen ushırasıw;

➖Ámeliyat hám stajirovka baǵdarlamaları haqqında maǵlıwmatlar;

➖Startap joybarlardı tanıstırıw imkaniyatı;

➖«Ózmilliybank» tárepinen usınılıp atırǵan jeńillikli kreditler hám finanslıq sawatlılıqqa baylanıslı seminarlar shólkemlestiriledi.

Shólkemlestiriwshiler: Ózbekstan Milliy banki, Joqarı bilimlendiriw, ilim hám innovaciyalar ministrligi, Qaraqalpaqstan Respublikası Joqarǵı Keńesi, Sawda-sanaat palatası, Jaslar isleri agentligi, Kámbaǵallıqtı qısqartıw hám bántlik ministrligi.

Elimiz jasların «TalabaExpo – 2026» kásiplik kórgizbesinde kútemiz!

NMPI baspasóz xızmeti.