Ǵárezsizligimizdiń 35 jıllıǵı hám «Áhmiyetli 90 kún» sheńberinde Ájiniyaz atındaǵı Nókis mámleketlik pedagogikalıq institutınıń 50 den aslam studentleri Tashkent qalasındaǵı Ózbekstan tariyxı mámleketlik muzeyine bardı.

Aǵartıwshılıq sayaxatı dawamında studentler muzeydiń bay ekspoziciyaları arqalı Ózbekstan aymaǵında áyyemnen qáliplesken civilizaciyalar, milliy mámleketshiligimizdiń rawajlanıw basqıshları, xalqımızdıń bay mádeniy hám ruwxıy miyrası menen jaqınnan tanıstı. Tariyxıy buyımlar, biybaha eksponatlar hám zamanagóy interaktiv kórgizbeler jaslardıń úlken qızıǵıwshılıǵına sebep boldı.

Sayaxat dawamında qatnasıwshılar tariyxıy miyrastı qásterlep saqlaw, milliy qádiriyatlardı húrmetlew hám ata-babalarımız qaldırǵan biybaha baylıqlardı keleshek áwladlarǵa jetkeriwdiń áhmiyeti haqqında tolıq maǵlıwmatlarǵa iye boldı.