Ózbekstan kásiplik awqamları Federaciyası Qaraqalpaqstan Keńesi tárepinen «Ekologiyalıq belsendi kásiplik awqamı jámááti» tańlawınıń Qaraqalpaqstan Respublikalıq basqıshı ótkerildi.

Quwanıshlısı, tańlawda Ájiniyaz atındaǵı Nókis mámleketlik pedagogikalıq institutı Ózbekstan bilimlendiriw hám ilim xızmetkerleri kásiplik awqamı tarawında 1-orındı iyelep, respublikalıq final basqıshına jollamanı qolǵa kirgizdi.

Ózbekstan kásiplik awqamları Federaciyası Qaraqalpaqstan Keńesinde jeńimpazlar hám sıylı orın iyelerin sıylıqlaw ilajı bolıp ótti.

Onda Ózbekstan kásiplik awqamları Federaciyası Qaraqalpaqstan Keńesi baslıǵı Ulıqbek Jalmenov institut kásiplik awqamı komiteti baslıǵı Karamatdin Gúlimbetovtı qutlıqlap, diplom hám sawǵalardı tapsırdı. Sonday-aq, respublikalıq basqıshta áwmet tiledi.

NMPI baspasóz xızmeti.