Elimizde Ǵárezsizlik bayramınıń 35 jıllıǵı múnásibeti menen keń kólemli tayarlıq jumısları alıp barılmaqta.

Ájiniyaz atındaǵı Nókis mámleketlik pedagogikalıq institutında da qutlı sáne múnásip kútip alınbaqta. Házirgi kúnde institut aymaǵında bayram ortalıǵın jaratıw, imarat hám obyektlerdiń sırtqı kórinisin jáne de abadanlastırıw hám bezew jumısları ámelge asırılmaqta.

Instituttıń sırtqı aymaǵı, fasadları hám kiriw bóliminde Ǵárezsizlik bayramınıń mazmunı hám áhmiyetin sáwlelendiretuǵın bezewler, túngi jaqtılandırıw shıraqları hám bayramǵa say bannerler ornatılmaqta.

Bul jumıslar elimizdegi tınıshlıq-tatıwlıq, dóretiwshilik hám abadanlıq ortalıǵın kórsetiw menen birge, student-jaslardıń júreginde Watanǵa muhabbat, milliy maqtanısh hám ǵárezsizlik qádiriyatlarına húrmet sezimlerin jáne de bekkemlewge xızmet etpekte.

Ǵárezsizligimizdiń 35 jıllıq saltanatı institut aymaǵında da ózine tán bayram keypiyatı hám kóterińki ruwx penen kózge taslanbaqta.

NMPI baspasóz xızmeti.