Ózbekstan jaslar isleri agentligi hám «Turonbank» akcionerlik kommerciyalıq banki tárepinen Tashkent wálayatında «Ustoz AI elchilari» lageri shólkemlestirildi.

Bul lager respublikamızdıń túrli aymaqlarınan saylap alınǵan kóplegen úmitli jaslardı bir jerge jámlep, olardıń bilim hám kónlikpelerin ele de rawajlandırıw, óz ara tájiriybe almasıw, sonday-aq, liderlik potencialın arttırıwǵa xızmet etti.

Lagerge Ájiniyaz atındaǵı Nókis mámleketlik pedagogikalıq institutı sanlı bilimlendiriw texnologiyaları orayı tarmaqlardı basqarıw bólimi injener-programmisti Zilola Allakova hám Anıq pánler fakultetiniń 3-kurs studenti Gúlay Qudaybergenova da qatnasıp, jasalma intellekt, zamanagóy bilimlendiriw, jeke rawajlanıw, komandada islew hám joybar basqarıwı baǵdarlarında jańa bilimlerge iye bolıp qayttı.

NMPI baspasóz xızmeti.