Ájiniyaz atındaǵı Nókis mámleketlik pedagogikalıq institutı Anıq pánler fakultetinde «Áhmiyetli 90 kún» joybarı sheńberinde student-jaslardıń jazǵı dem alıs dáwirin mazmunlı shólkemlestiriw maqsetinde zamanagóy texnologiyalarǵa baǵıshlanǵan gezektegi ámeliy sabaqlar ótkerildi.

«3D modellestiriw» dógeregi sabaǵında Sanlı texnologiya, informatika hám robototexnika kafedrası baslıǵı J.Ótepbergenov tárepinen «Blender (Tinkercad)» programması interfeysi» hám «Ápiwayı geometriyalıq figuralardı jaratıw» atamasında teoriyalıq hám ámeliy sabaqlar shólkemlestirildi.

Sabaq dawamında studentler «Blender» programmasınıń interfeysi, úsh ólshemli modeller jaratıw, obyektlerdi redaktorlaw, material hám teksturalar menen islew hám 3D modellestiriwdiń zamanagóy baǵdarları haqqında ámeliy bilim hám kónlikpelerge iye boldı.

Bunday sabaqlar jaslardıń sanlı texnologiyalar boyınsha bilimlerin bekkemlew, dóretiwshilik pikirlewin rawajlandırıw hám keleshekte zamanagóy kásiplerdi iyelewine tiykar jaratadı.