Ǵárezsizliktiń 35 jıllıǵı hám «Áhmiyetli 90 kún» sheńberinde Ájiniyaz atındaǵı Nókis mámleketlik pedagogikalıq institutı kásiplik awqamı tárepinen professor-oqıtıwshılar, texnikalıq xızmetkerler hám belsendi student-jaslar ushın Xorezm wálayatınıń tariyxıy Xiywa qalasına sayaxat shólkemlestirildi.

Sapar dawamında qatnasıwshılar Xiywanıń tariyxıy estelikleri, atap aytqanda, «Iyshan qala» kompleksi menen jaqınnan tanısıp, qala tariyxı hám bay mádeniy miyrası haqqında bahalı maǵlıwmatlarǵa iye boldı.

Bul sayaxat qatnasıwshılarǵa kóterińki keypiyat inám etip, tariyxıy miyrasımızǵa bolǵan qızıǵıwshılıq hám húrmetti jáne de arttırdı.