Ájiniyaz atındaǵı Nókis mámleketlik pedagogikalıq institutında Ózbekstan Respublikası Ǵárezsizliginiń 35 jıllıǵın múnásip belgilewge tayarlıq kóriw hám bayram ilajların joqarı dárejede shólkemlestiriw máselelerine baǵıshlanǵan májilis ótkerildi.

Ilajǵa institut rektorı w.a. Q.Qodirov, proretorlar, tiyisli bálim baslıqları, fakultet dekanları hám basqa da juwapker xızmetkerler qatnastı. Májiliste Ǵárezsizlik bayramın kóterińki ruwxta ótkeriw, institut aymaǵın bayramǵa say etip bezew, ilajlardı mazmunı jaqtan bay hám joqarı dárejede shólkemlestiriw boyınsha ámelge asırılatuǵın jumıslar dodalandı.

Sonday-aq, bayram ilajlarında professor-oqıtıwshılar, xızmetkerler hám student-jaslardıń belsene qatnasıwın támiyinlew, elimizdiń ǵárezsizlik jıllarındaǵı rawajlanıwın keńnen úgit-násiyatlaw, jaslardıń qálbinde Watanǵa muhabbat hám sadıqlıq sezimlerin jáne de bekkemlewge ayrıqsha itibar qaratılatuǵını atap ótildi.

Májilis juwmaǵında belgilengen wazıypalardı óz waqtında hám sapalı ámelge asırıw, Ǵárezsizliktiń 35 jıllıǵın múnásip kútip alıw boyınsha juwapkerlerge tiyisli tapsırmalar hám usınıslar berildi.

NMPI baspasóz xızmeti.