Ózbekstan Milliy pedagogikalıq universitetinde Cambridge University Press & Assessment penen birgelikte mektepke shekemgi hám baslawısh tálim baǵdarları ushın jańa oqıw baǵdarlamaların islep shıǵıw hám ámeliyatqa engiziwge baǵıshlanǵan seminar-trening shólkemlestirildi.

Bul abıroylı seminar-treningde Ájiniyaz atındaǵı Nókis mámleketlik pedagogikalıq institutı mektepke shekemgi tálim kafedrasınıń professor-oqıtıwshıları Gúlnara Jumasheva hám Arzayım Nawrızbaevalar qatnastı.

Seminar dawamında jańa oqıw baǵdarlamalarında konstruktivlik úylesimlilikti támiyinlew, zamanagóy pedagogikalıq qatnaslardı qollanıw, Reggio Emilia koncepciyası, STEAM bilimlendiriwi, oyın tiykarındaǵı bilimlendiriw, inklyuziv bilimlendiriw hám formativlik bahalaw sisteması boyınsha teoriyalıq hám ámeliy sabaqlar shólkemlestirildi.