Paytaxtımız Nókis qalasında «Startup Garage» hám «Lumora» menen birgelikte «IT Case» tańlawı shólkemlestirildi.

Tańlawǵa dizimnen ótken 11 komandada 50 ge shamalas jas startapshılar qatnastı.

Tańlaw dawamında qatnasıwshılar real biznes mashqalaları menen islep, innovaciyalıq sheshimler jaratıw hám óz potencialın kórsetiw imkaniyatına iye boldı.

Áhmiyetlisi, tańlawda Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti biologiya tálim baǵdarınıń 3-kurs studenti Kúmisay Qızılbaeva basshılıǵındaǵı «Vision X» komandası sıylı 2-orındı iyeledi.

Jeńimpazlar hám sıylı orın iyelerine sertifikatlar jáne estelik sawǵaları tapsırıldı.