Búgin sanlı texnologiyalar turmısımızdıń barlıq tarawlarına kirip kelmekte. Notarial xızmetlerden paydalanıw da bunnan bılay qolaylı hám jedel bolıp barmaqta.

e-notarius.uz – Ózbekstan Respublikasınıń elektron notarius portalı arqalı:

– notarial háreketlerdi onlayn rásmiylestiriw;

– notarius qabıllawına aldınnan jazılıw;

– sizge eń jaqın notarial uyımdı kartadan tabıw;

– isenim xatlarınıń jaǵdayın tekseriw;

– miyras isleri haqqında maǵlıwmat alıw;

– kóshpes múlk hám transport qurallarına qoyılǵan qadaǵan etiwlerdi tekseriw;

– notarial xızmetler hám olardı alıw tártibi haqqında tolıq maǵlıwmat alıw múmkin.

Sonday-aq, portalda avtomototransport hám kóshpes múlkti alıp-satıw, sawǵa, neke shártnaması, qarız shártnaması, isenim xatı hám basqa da kóplegen notarial xızmetler boyınsha maǵlıwmatlar usınıs etilgen.

Waqıtıńızdı únemleń, xızmetlerden paydalanıwdı qolaylastırıń!

Elektron notarius portalı: e-notarius.uz