Búgin, 20-avgust kúni Ózbekstan bilimlendiriw hám ilim xızmetkerleri kásiplik awqamı Respublikalıq keńesi Atqarıw komitetiniń III Májilisine tayarlıq kóriw hám onı ótkeriw boyınsha jumısshı toparı aǵzaları tárepinen Ájiniyaz atındaǵı Nókis mámleketlik pedagogikalıq institutında úyreniw jumısları alıp barıldı.

Úyreniw barısında dáslep jumısshı topar aǵzası, Ózbekstan bilimlendiriw hám ilim xızmetkerleri kásiplik awqamı Respublikalıq keńesiniń sociallıq qorǵaw isleri boyınsha bas qánigesi Lazokat Turikova institut rektorı w.a. Quvondiq Qodirov penen ushırastı.

Ushırasıw barısında institutta kásiplik awqamı komiteti tárepinen ámelge asırılıp atırǵan jumıslar keń túrde dodalanıp, bul baǵdardaǵı nátiyjelilikti bunnan bılay da arttırıw boyınsha aldaǵı wazıypalar belgilep alındı.

Bunnan soń tiyisli sorawnama tiykarında institut kásiplik awqamı komitetiniń alıp barıp atırǵan jumısları úyrenip shıǵıldı.

Jumısshı topar aǵzası Lazokat Turikova instituttaǵı Ájiniyaz muzeyinde de bolıp, bul jerdegi eksponatlar, tariyxıy portretler, kitaplar, fotosúwretler hám maǵlıwmatlar menen tanıstı. Muzey dápterine óz tileklerin jazıp qaldırdı.

NMPI baspasóz xızmeti.