Búgin, 25-avgust kúni Ózbekstan jaslar awqamınıń joqarı oqıw orınlarındaǵı jaslar jetekshileriniń jumısların úyreniw, oqıw ornındaǵı mashqalalardı anıqlaw hám olardı sistemalı saplastırıw maqsetinde dúzilgen aymaqlıq jumısshı toparı aǵzaları Ájiniyaz atındaǵı Nókis mámleketlik pedagogikalıq institutında úyreniw jumısların alıp bardı.

Úyreniw barısında institut Jaslar awqamı baslanǵısh shólkemi jetekshisi Erniyaz Qasımov tárepinen jaslar menen islesiw nátiyjeliligi, ámelge asırılıp atırǵan joybarlar hám ilajlar, jaslardıń bos waqtın mazmunlı shólkemlestiriw, sociallıq, ruwxıy-aǵartıwshılıq hám intellektual baǵdardaǵı jumıslar, jaslar mashqalaları menen islesiw sisteması, sonday-aq, belgilengen wazıypalar hám kórsetkishlerdiń orınlanıwı sıyaqlı baǵdarlarda ámelge asırılıp atırǵan jumıslar kompleksli analizlendi.

Sonıń menen birge, jumısshı topar aǵzaları institutta student-jaslar ushın jaratılǵan sharayatlar, shólkemlestirilgen klub hám dógereklerdiń jumıs nátiyjeliligin de kózden ótkerdi.

NMPI baspasóz xızmeti.