Ózbekstan Respublikası Joqarı bilimlendiriw, ilim hám innovaciyalar ministriniń tiyisli buyrıǵı tiykarında joqarı oqıw orınlarında Ǵárezsizligimizdiń 35 jıllıǵı, sonday-aq, 2026-2027-oqıw jılına puqta tayarlıqlar kóriw, studentlerdi turaq jay menen támiyinlew jumıslarınıń barısın úyreniw maqsetinde shólkemlestirilgen jumısshı topar tárepinen Ájiniyaz atındaǵı Nókis mámleketlik pedagogikalıq institutında úyreniw jumısları alıp barıldı.

Ministrlik wákili T.Bayjanov institutta jańa oqıw jılı aldınan ámelge asırılıp atırǵan tayarlıq jumısları, jaratılıp atırǵan sharayatlar, oqıw hám lekciya auditoriyaları, laboratoriyalar, tiyisli fakultetler, kafedralar, bólim hám oraylardıń jumısları, studentler turaq jayların kózden ótkerdi.

Instituttıń tiyisli juwapkerleri tárepinen jańa oqıw jılı aldınan islenip atırǵan jumıslar tanıstırıldı.

Úyreniw juwmaǵında jańa oqıw jılına hár tárepleme puqta tayarlıqlar kóriw boyınsha tiyisli usınıslar berildi.

NMPI baspasóz xızmeti.