Búgin, 27-avgust kúni Ájiniyaz atındaǵı Nókis mámleketlik pedagogikalıq institutında 2026-2027-oqıw jılı ushın ekinshi hám onnan keyingi joqarı bilimlendiriw baǵdarlarına qabıllaw imtixanları bolıp ótti.

Imtixanlar bakalavriat tálim baǵdarlarınıń ózgesheliklerine qaray sáwbet formasında ótkerildi hám onda 300 ge shamalas talabanlar qatnasıp, óz bilimlerin sınaqtan ótkerdi.

Kiriw imtixanlarınıń ádil hám ashıq-aydın ótiwi instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi qánigeleri tárepinen qadaǵalawǵa alındı.

Maǵlıwmat ushın, ekinshi hám onnan keyingi joqarı bilimlendiriw baǵdarlarına qabıllaw ushın ótkerilgen imtixanlardıń nátiyjesi institut veb-saytında járiyalanadı.

NMPI baspasóz xızmeti.