Ájiniyaz atındaǵı Nókis mámleketlik pedagogikalıq institutında kóp jıllardan berli jumıs islep atırǵan bir topar pidayı professor-oqıtıwshılar hám basshı xızmetkerler Ózbekstan Respublikası Prezidentiniń tiyisli pármanı menen «Ózbekstan Respublikası ǵárezsizliginiń 35 jıllıǵı» estelik belgisi menen sıylıqlandı.

Olar:

Reymov Qarjawbay Dáwletbaevich – Tábiyiy pánler fakultetiniń dekanı;
Bekjanova Biybiraba Kárimbaevna – Jámiyetlik pánler kafedrasınıń baslıǵı;
Allambergenov Hamza Kamalovich – Ózbek ádebiyatı kafedrasınıń docenti;
Tórtkúlbaeva Tursınay Abdigazievna – Qazaq, túrkmen tili hám ádebiyatı kafedrasınıń docenti;
Arzieva Baxıtgúl Imametdinovna – Instituttıń aǵa yuriskonsultı;
Bekmanova Jamilya Abdullaevna – Mektepke shekemgi tárbiya hám defektologiya kafedrasınıń baslıǵı.

Qaraqalpaqstan Respublikası Ministrler Keńesinde bolıp ótken sıylıqlaw ilajında ustazlardıń tálim-tárbiya tarawındaǵı kóp jıllıq nátiyjeli miyneti, jas áwladqa puqta bilim hám tárbiya beriw, elimizdiń rawajlanıwı jáne bilimlendiriw sistemasın jetilistiriwge qosıp atırǵan múnásip úlesiniń joqarı ekenligi atap ótildi.

Institut jámááti atınan barlıq sıylıqlanǵan professor-oqıtıwshılar hám basshı xızmetkerlerdi shın júrekten qutlıqlaymız! Ustazlarǵa aldaǵı ilimiy-pedagogikalıq jumıslarında úlken jetiskenlikler, bekkem densawlıq hám jańa tabıslar tileymiz!

NMPI baspasóz xızmeti.