Ájiniyaz atındaǵı Nókis mámleketlik pedagogikalıq institutınıń bir topar belsendi hám qábiletli magistrant jáne student-jasları Ózbekstan Respublikası Prezidentiniń tiyisli pármanı menen «Ózbekstan Respublikası ǵárezsizliginiń 35 jıllıǵı» estelik belgisi menen sıylıqlandı.

Olar:

Yuldashova Lobarxon Muminjan qızı – Biologiya qánigeliginiń 2-kurs magistrantı;
Allakova Zilola Obodjon qızı – Matematika hám informatika keshki tálim baǵdarınıń pitkeriwshi kurs studenti, Sanlı bilimlendiriw texnologiyaları orayınıń injener-programmisti;
Nurullaev Jasurbek Xayrulla ulı – Tariyx tálim baǵdarınıń 4-kurs studenti.

Bul joqarı itibar jaslardıń oqıwı, ilim, sport, mádeniyat, innovaciyalıq texnologiyalar hám jámiyetlik jumıslardaǵı belsendiligi, elimizdiń rawajlanıwı jolında pidayılıq penen úlgi bolıp atırǵanınıń múnásip xoshameti boldı.

Sıylıqlanǵan jaslarımızdı shın júrekten qutlıqlaymız! Olardıń aldaǵı waqıtları da joqarı sheklerdi iyelep, elimizdiń gúllep-jaynawı jáne xalqımızdıń abadanlıǵına úlken úles qosatuǵın jetik qánigeler bolıp jetisiwin tileymiz.

NMPI baspasóz xızmeti.