Assalawma áleykum, húrmetli ustazlar, áziz studentler hám qádirli kásiplesler!

Bársheńizdi xalqımız turmısındaǵı eń ullı hám qádirli bayram – Ózbekstan Respublikası mámleketlik ǵárezsizliginiń 35 jıllıǵı menen shın júregimnen qızǵın qutlıqlayman!

Ǵárezsizlik – biz ushın, eń aldı menen, óz táǵdirimizdi ózimiz belgilew, milliy qádiriyatlarımızdı tiklew, elimizdiń rawajlanıwı hám xalqımızdıń abadan keleshegin qurıw imkaniyatın bergen ullı inám bolıp tabıladı.

Búgin Jańa Ózbekstan rawajlanıwınıń barlıq tarawlarında, ásirese, bilimlendiriw hám ilim tarawında ámelge asırılıp atırǵan keń kólemli reformalar elimizde jas áwladqa qaratılıp atırǵan joqarı itibardıń ámeliy kórinisi bolıp esaplanadı.

Biziń institutımız da mine usı iygilikli maqsetler jolında zamanagóy bilim hám aldınǵı kózqaraslar tiykarında bilimli, watansúygish, intaker hám pidayı jaslardı tárbiyalawǵa múnásip úles qosıp kelmekte.

Húrmetli ustazlar, áziz student-jaslar!

Ǵárezsizligimiz – keshegi kúnimizdiń maqtanıshı, búgingi kúnimizdiń tayanıshı hám erteńgi kúnimizdiń bekkem tiykarı bolıp esaplanadı. Onı qásterlep saqlaw hám jáne de bekkemlew bárshemizdiń maqtanıshlı wazıypamız.

Jáne bir márte bársheńizdi usı qutlı áyyam menen qutlıqlayman!

Elimiz tınısh, xalqımız abadan, aspanımız ashıq, keleshegimiz ullı bolsın!

Ǵárezsizligimiz máńgi bolsın!

Húrmet penen,

Quvondiq Qodirov,

Ájiniyaz atındaǵı Nókis mámleketlik pedagogikalıq institutı rektorı w.w.a.