Búgin, 2-sentyabr kúni elimizdegi barlıq ulıwma bilim beriw mekteplerinde jańa 2026-2027-oqıw jılınıń ashılıwı – Bilimler kúni múnásibeti menen «Bir Watan, bir xalıq bolıp, jańa turmıs hám keleshek quramız!» súreni tiykarında salanatlı bayram ilajları bolıp ótti.

Ájiniyaz atındaǵı Nókis mámleketlik pedagogikalıq institutı rektorı w.a. Quvondiq Qodirov paytaxtımız Nókis qalasındaǵı 26-sanlı ulıwma bilim beriw mektebinde ótkerilgen bayram ilajına qatnasıp, Prezidentimizdiń mektep oqıwshıları, muǵallim hám ustazlarǵa jollaǵan qutlıqlawın oqıp esittirdi.

Oqıwshılardı jańa oqıw jılı menen qutlıqlap, olarǵa oqıwlarında tabıslar tiledi. Jas áwladtıń sapalı bilim alıwı, zamanagóy bilim hám kónlikpelerdi iyelewi mámleketimiz keleshegi ushın áhmiyetli ekenin atap ótti.

Ilaj dawamında birinshi qońıraw qaǵılıp, jańa oqıw jılı rásmiy túrde baslandı.

Bayram kóterińki keypiyatta, iygilikli tilekler hám koncert baǵdarlaması menen dawam etti.