Búgin, 2-sentyabr kúni Ájiniyaz atındaǵı Nókis mámleketlik pedagogikalıq institutı akademiyalıq liceyinde jańa 2026-2027-oqıw jılınıń ashılıwına arnalǵan saltanatlı ilaj bolıp ótti.

Ilajdı akademiyalıq licey direktorı Q.Qalxorazov ashıp berdi hám qatnasıwshılardı mámleketimiz ǵárezsizliginiń 35 jıllıq bayramı, baslanıp atırǵan jańa oqıw jılı – Bilimler kúni menen qutlıqladı.

Sonday-aq, ilaj dawamında elimizge belgili ustazlar, akademiyalıq liceydiń oqıtıwshı pedagogları, ata-analar sózge shıǵıp, elimizde jaslar tálim-tárbiyası baǵdarında ámelge asırılıp atırǵan keń kólemli reformalardıń ámeliy nátiyjeleri haqqında sóz etti.

Jańa oqıw jılı akademiyalıq liceyde Ózbekstan Respublikası ǵárezsizliginiń 35 jıllıǵına arnalǵan «Bir Watan, bir xalıq bolıp, jańa turmıs hám keleshek quramız!» atamasındaǵı «Keleshek saatları» menen baslandı.