Sırt elde jasap atırǵan jas watanlaslar dıqqatına!
Ózbekstan Respublikası bilimlendiriw shólkemlerine qabıllaw boyınsha mámleketlik komissiyası májilisiniń 2026-jıl 14-iyuldaǵı 62-2-sanlı protokolı menen sırt elde jasap atırǵan jas watanlaslar ushın «Ózbek tili hám ádebiyatı», «Filologiya hám tillerdi oqıtıw: ózbek tili», «Tariyx», «Kórkem óner tálimi» tarawındaǵı barlıq bakalavriat tálim baǵdarları, «Súwretlew óneri hám injenerlik grafikası» hám «Muzıkalıq tálim» bakalavriat tálim baǵdarlarına 30 mámleketlik grant tiykarındaǵı qabıllaw kórsetkishleri ajıratıldı.
Usı múnásibet penen Ájiniyaz atındaǵı Nókis mámleketlik pedagogikalıq institutında sırt elli watanlaslar ushın ajıratılǵan mámleketlik grant orınlarına talabanlardan arzalar usı jıldıń 5-15-sentyabr kúnleri aralıǵında qabıl etiletuǵınlıǵın málim etemiz.
«Sırt elde jasap atırǵan jas watanlaslarımızdıń respublikalıq mámleketlik joqarı bilimlendiriw mákemelerine kiriwi ushın mámleketlik grantlar beriw boyınsha waqıtsha tártip»ti tómendegi silteme arqalı júklep alıwıńız múmkin.
NMPI baspasóz xızmeti.