Xalıqaralıq jaslar ekologiyalıq komiteti, Jaslar isleri agentligi hám Jasıl baslamalar qorı tárepinen «Jasıl keleshek» lageri sheńberinde «Ekologiyalıq sociallıq joybarlar» tańlawınıń respublikalıq basqıshı bolıp ótti.

Quwanıshlısı, tańlawda Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti biologiya tálim baǵdarınıń 3-kurs studenti Shahzoda Abıllaeva «BioTamır» joybarı menen qatnasıp, jeńimpazlar qatarınan orın aldı hám 20 000 000 sum muǵdarında grant iyesine aylandı.

– Joybar boyantamır ósimliginiń tábiyiy resursların qorǵaw menen birge, shorlanǵan jáne degradaciyaǵa ushıraǵan jerlerdi biologiyalıq jol menen tiklew hám ekologiyalıq taza dárilik shiykizat jetistiriwdi maqset etken. Sonday-aq, joybar sheńberinde boyantamır plantaciyaların payda etiw arqalı joqarı ekonomikalıq dáramat alıw jáne jaslardı ámeliy ekologiyalıq hám jámiyetlik jumıslarǵa keń túrde tartıw názerde tutılǵan, – deydi Shahzoda Abıllaeva.

Tańlaw jeńimpazlar sertifikat hám vaucherler menen sıylıqlandı.

NMPI baspasóz xızmeti.