Ájiniyaz atındaǵı Nókis mámleketlik pedagogikalıq institutında jańa 2026-2027-oqıw jılın joqarı dárejede baslaw, student-jaslardı múnásip kútip alıw hám olarǵa qolaylı sharayatlardı jaratıw boyınsha ámeliy jumıslar alıp barılmaqta.

Atap aytqanda, student-jaslardı studentler turaq jaylarına jaylastırıw hám ijara úyleri menen támiyinlew boyınsha instituttıń tiyisli juwapkerleri, fakultetlerdiń dekanatları wákilleri, pedagog-tárbiyashılar, tyutorlar, Jaslar awqamı baslanǵısh shólkemi belsendileri hám «Qalqan» jámiyetlik toparı aǵzaları tárepinen nátiyjeli ilajlar ámelge asırılmaqta.

Bunda studentler hám olardıń ata-analarınıń múrájatları menen islesiw, olardı zárúr maǵlıwmat hám ámeliy járdem menen támiyinlewge ayrıqsha dıqqat qaratılmaqta.

Maǵlıwmat ushın, jańa oqıw jılınıń ashılıwı 1-kurs studentleri ushın 7-sentyabr kúni saat 08:00 de institut bas imaratı aldında bolıp ótedi.

NMPI baspasóz xızmeti.