Ájiniyaz atındaǵı Nókis mámleketlik pedagogikalıq institutında jańa oqıw jılında jaslar menen islesiw, ruwxıy-aǵartıwshılıq jumıslardı bunnan bılay da jetilistiriw, sonday-aq, tálim-tárbiya procesiniń nátiyjeliligin arttırıwǵa baǵdarlanǵan wazıypalardı dodalawǵa arnalǵan jıynalıs bolıp ótti.

Ilajdı institut rektorı w.a. Quvondiq Qodirov basqarıp bardı. Oǵan fakultet dekanlarınıń orınbasarları, tyutorlar, profilaktikalıq inspektorlar, psixologlar, pedagog-tárbiyashılar, Jaslar awqamı baslanǵısh shólkemi hám tiyisli bólimlerdiń juwapkerler qatnastı.

Jıynalısta jańa oqıw jılın mazmunlı hám nátiyjeli shólkemlestiriw, student-jaslardıń bilim alıwı ushın múnásip sharayatlardı jaratıw, olardıń bos waqtın mádeniy-aǵartıwshılıq hám sport-sawallandırıw ilajlarına baǵdarlaw, sonday-aq, sociallıq belsendiligin arttırıw máseleleri dodalandı.

Sonday-aq, studentler arasında salamat turmıs tárizin úgit-násiyatlaw, hár túrli unamsız illetlerdiń aldın alıw, kitapqumarlıq hám mádeniy-aǵartıwshılıq ilajların ótkeriw, qábiletli hám belsendi jaslardı qollap-quwatlaw boyınsha anıq wazıypalar belgilep alındı.

NMPI baspasóz xızmeti.