Búgin, 9-sentyabr kúni paytaxtımız Nókis qalasında student-jaslar hám áskeriy xızmetkerler arasında «Silk Road Uzbekistan» hám «Student juwır» marafonınıń gúzgi máwsimine start berildi.

Paytaxtımızdıń oraylıq kósheleriniń biri bolǵan Islam Kárimov gúzarınıń 3 kilometr aralıǵında ótkerilgen marafonǵa Ájiniyaz atındaǵı Nókis mámleketlik pedagogikalıq institutınıń student-jasları da belsene qatnastı.

Quwanıshlısı, marafonda erler arasında instituttıń Ellikqala fakulteti dene mádeniyatı tálim baǵdarınıń studenti Yuldash Satimbaev sıylı 3-orındı iyelegen bolsa, qızlar arasında Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń studenti Aysha Jumambetova 1-orındı iyelep, jeńimpaz boldı.

Jeńimpazlar hám sıylı orın iyeleri shólkemlestiriwshiler tárepinen sıylıqlandı.

NMPI baspasóz xızmeti.